នៅរសៀលថ្ងៃទី២៥​ ខែវិចិ្ឆកា ឆ្នាំ២០២១ រដ្ឋបាលខេត្តមណ្ឌលគិរីបានរៀបចំកិច្ចប្រជុំត្រួតពិនិត្យពង្រឹងការអនុវត្តន៍ការងារសុវត្ថិភាពចរាចរណ៍ផ្លូវគោក ក្រោមអធិបតីភាព ឯកឧត្តម ថង សាវុន អភិបាល នៃគណៈអភិបាលខេត្ត និងមានការអញ្ជើញចូលរួមដោយ លោក អភិបាលរងខេត្តទទួលបន្ទុកចរាចរណ៍ ស្នងការរងទទួលបន្ទុកចរាចរណ៍ផ្លូវគោក នាយការិយាល័យចរាចរណ៍ផ្លូវគោក ប្រធាន អនុប្រធានមន្ទីរ អភិបាលរង ក្រុងស្រុកទាំង៥ អធិការនគរបាល ក្រុងស្រុក មេបញ្ជាការមូលដ្ឋានកងរាជអាវុធហត្ថក្រុងស្រុក និងប្រធានការិយាល័យច្បាប់ និងសុវត្ថិភាពសាធារណៈសាលាខេត្ត ដែលកិច្ចប្រជុំនេះប្រព្រឹត្តទៅនៅសាលប្រជុំសាលាខេត្ត។